Majlis Penindasan Kewangan Bunuh Bangsa dan Rakyat Islam (MPKB-BRI)

Pada awal pagi tadi penulis ada menerima panggilan telefon daripada seorang yang hanya mahu dikenali dengan nama Hassan, marah-marah siap menyumpah-nyumpah lagi (Terkejut juga penulis dan terlintas di dalam benak penulis bahawa apa yang dia marah sangat ni).

Selepas penulis menyelidiki rupa-rupanya saudara Hassan ini melahirkan rasa marah, geram pada Majlis Perbandaran Kota Bharu - Bandar Raya Islam (MPKB-BRI) mengenai parking motosikal, tahap kemarahan Hassan juga agak tinggi sehinggakan beliau melabelkan MPKB-BRI sebagai Majlis Penindasan Kewangan Bunuh Bangsa dan Rakyat Islam (MPKB-BRI).

Penulis sempat juga mencatat isi kandungan perbualan telefon penulis dengan

Hassan:
Saudara penulis saya ingin menyampaikan tak puas hati saya pada MPKB-BRI, saya rasa geram dengan mereka. "Nate betul lah MPKB-BRI ni", kawe nak kato hok kijo denga MPKB-BRI ni make duit hare belako".

Penulis:
Bawa mengucap dan bawa bersabar saudara, "Bakpo demo maroh sangat nih?"

Hassan:
"Dok sir maroh guano, kawe parking muto dekat Mydin, pahtuh tubik-tubik takdok, kawe pun tanyolah oghe hok jual air tuh dio kato oghe MPKB-BRI Angkut doh muto kawe, kawe pun raso waaa nak maroh"

Penulis:
La bakpo pulok demo nak maroh, demo parking kat tak leh parking, meme lah kena akut (angkut).

Hassan:
Doh tok sir wi kawe parking kokse guano kalu parking muto tak cukup, to kan kawe nak gi parking pucuk kedai besar nuh (Pasar Besar Siti Khatijah), baso bengong parking kheto banyok mugo bayar, parking muto dok cukup mugo free, pah tuh kalu oghe parking kokse dia same buleh duit ko dio jugak, banyak lagi pada kheto, RM30 sutir muto.

Penulis:
Meme parking muto di bandar Kota Bharu dok cukup, kawe setuju dengan demo, patut sek MPKB-BRI ni cari dulu bakpo oghe parking muto kokse bukan cari kesalohan oghe. Nik nak make pitih rakyat belako nih, pitih hare.

Hassan:
Hok tamboh kawe nak maroh nyo lagi, maso kawe nak gi ambik muto, kawe gi lah kat setor muto tuh, pahtuh cakap dengan pegawa dio, lepas tu kena gi bayar jauh pulok kawe kena gi jale pah tuh kawe kena ambik muto mula, aritu kawe pade dok mutar dalam MPKB-BRI jah, nyusoh betul lah, ore kijo MPKB-BRI ni pulok eksen-eksen, ikut hati kawe nak timbuk sore-sore, dok apo kawe dok halal dunia akhirat demo make duit kawe, sapo dio hok kijo ngan MPKB-BRI ni Make Duit Hare".

Itulah antara petikan perbulan telefon penulis dengan seorang pemilik motosikal dari Kota Bharu, Kelantan. Jadi Fikir-fikirkanlah....